Ulos at Ulan
Ulan - pawiin ang init sa kabuhanginan.
Pakikibaka'y muli mong diligan
Hawiin aming mga alinlangan
Umulos para sa tunay na kalayaan.
*Mayo 26, Pampang, Lungsod Angeles
Hangin at Pagsinta
Tumungo ako sa eskinita
Ng ating unang pagkikita
Hinanap ka ng buong puso
Ngunit,
Kawalan ang handog mo.
Wala ka doon.
At wala ka ring tugon.
Kapiling ko ang pag-iisa
sa panahong dapat
kitang kasama.
Kaya aking sinta
Ipararating na lamang
sa hangin. Upang pagsinta'y
iyong damhin;
Maihatid ang pag-ibig na wagas
mula rito sa
Krus na Ligas.
*Mayo 20, Kalye Salvador, Krus na Ligas
No comments:
Post a Comment
Leave your mark.