Tala*

Tala

*Tulang bunga ng magulong isip. Na-retrieve ko mula sa memo ng phone ko.

Isa kang tala 

Gabay sa maitim na kalangitan

Nagniningning at kumikislap

Malayo at abot-tanaw ko lang.

Ngunit minsan pakatandaan

Mahuhulog ka din

Makakabitiw sa pagkakakapit

At sa aki'y mapapalapit

Maligaya na sana ako

Ngunit ganoon pa rin

Mahirap kang angkinin

Dahil nagdadaan ka lamang sa paningin.

Bagaman ganoon na nga

Hindi magbabago

Pagtingin ng abang tulad ko 

Sa isang kagaya mo.

Nakasisiya na rin

na ang isang bituin

Hindi man mapasakin

Natatanaw pa rin.